ഋഷിരസ്യാജശ്ഛന്ദോ

ഗായത്രം ദേവതാ ച ഭുവനേശീ.

അങ്ഗാനി ഷട് ക്രമേണ
പ്രോക്താനി പ്രണവശക്തിബീജാഭ്യാമ്৷৷14.2৷৷

സംദീക്ഷിതോഥ പ്രജപേച്ച മന്ത്രം

മന്ത്രീ പുനര്ലക്ഷചതുഷ്കമേനമ്.

പുഷ്പൈസ്തദന്തേ ദ്വിജവൃക്ഷജാതൈഃ
സ്വാദുപ്ലുതൈര്വാ ജുഹുയാത്സരോജൈഃ৷৷14.4৷৷

പ്രയജേദഥ പ്രഭൂതാം

വിമലാം സാരാഹ്വയാം സമാരാധ്യാമ്.

പരമസുഖാമഗ്ന്യാദി-
ഷ്വശ്രിഷു മധ്യേ ച പീഠക്ലൃപ്തേഃ പ്രാക്৷৷14.6৷৷

ദീപ്താ സൂക്ഷ്മാ ജയാ ഭദ്രാ വിഭൂതിര്വിമലാ തഥാ.
അമോഘാ വിദ്യുതാ ചൈവ നവമീ സര്വതോമുഖീ৷৷14.8৷৷

ആവാഹ്യ ഹാര്ല്ലേഖികമര്കമര്ഘ്യ-

പാദ്യാചമാദ്യൈര്മധുപര്കയുക്തൈഃ.

പ്രപൂജയേദാവരണൈഃ സമസ്ത-
സംപത്ത്യവാപ്ത്യൈ തദധീനചേതാഃ৷৷14.10৷৷

പ്രതിപൂജ്യ ശക്തിമിതി തത്ര പുരഃ

പ്രണിധായ താമ്രരചിതം ചഷകമ്.

പ്രജപന്മനും പ്രതിഗതക്രമതഃ
പ്രതിപൂരയേത്സുവിമലൈഃ സലിലൈഃ৷৷14.12৷৷

ഇഷ്ട്വാ ദിനേശമഥ പീഠഗതം തഥൈവ

വ്യോമസ്ഥിതം പരിവൃതാവരണം വിലോക്യ.

അഷ്ടോത്തരം ശതമഥ പ്രജപേന്മനും തം
പൂര്വോത്തരം നിജകരേണ പിധായ പാത്രമ്৷৷14.14৷৷

അഥ കൃതപുഷ്പാഞ്ജലിരപി

പുനരഷ്ടശതം ജപേന്മനും മന്ത്രീ.

യാവദ്രശ്മിഷു ഭാനോ-
ര്വ്യാപ്നോത്യമ്ഭഃ സുധാമയം തദപി৷৷14.16৷৷

തസ്മാദിനായ ദിനശോ ദദതാദ്ദിനാദൌ

ദൈന്യാപനോദിതനവേ ദിനവല്ലഭായ.

അര്ഘ്യം സമഗ്രവിഭവസ്ത്വഥ വാര്കവാരേ
പാരം സ ഗച്ഛതി ഭവാഹ്വയവാരിരാശേഃ৷৷14.18৷৷

ഏകീകൃത്യ സമസ്തവസ്ത്വനുഗതാനാദിത്യചന്ദ്രാനലാ-

ന്വേദാദ്യേന ഗുണാത്മകേന സഗുണാനാകൃഷ്യ ഹൃല്ലേഖയാ.

സര്വം തത്പ്രതിമഥ്യ താവപി സമാവഷ്ടഭ്യ ഹംസാത്മനാ
നിത്യം ശുദ്ധമനന്യമക്ഷരപദം മന്ത്രീ ഭവേദ്യോഗതഃ৷৷14.20৷৷

വിഷ്ണുപദം സസുധാകരഖണ്ഡം

ചന്ദ്രയുഗാവധികം വതുരീയമ്.

ക്ഷേത്രവിദോ മനുരേഷ സമുക്തോ
യം പ്രജപത്യപി സംതതമാത്മാ৷৷14.22৷৷

അരുണകനകവര്ണം പദ്മസംസ്ഥം ച ഗൌരീ(?)-

ഹരനിയമിതചിഹ്നം സൌമ്യ താനൂനപാതമ്.

ഭവതു ഭവദഭീഷ്ടാവാപ്തയേ പാശാടങ്കാ-
ഭയവരദവിചിത്രം രൂപമര്ധാമ്ബികേശമ്৷৷14.24৷৷

നിക്ഷിപ്യ കലമസ്മി-

ന്പൂര്വോക്താനാമപാമഥൈകേന.

ആപൂര്യ ചോപചര്യ ച
വിദ്വാനങ്ഗൈഃ പ്രപൂജയേത്പൂര്വമ്৷৷14.26৷৷

ഇതി പരിപൂജ്യ ച കലശം

പുനരഭിഷിച്യാഥ നിയമിതോര്ഘ്യമപി.

ദദ്യാദിനായ ചൈഹിക-
പാരത്രികസിദ്ധയേ ചിരം മന്ത്രീ৷৷14.28৷৷

വ്യോമാനുഗേന ച സുധാമ്ബുമുചാ സുദാമാ

പ്രദ്യോതമാനസവിനിഃസൃതശീതരുഗ്ഭ്യാമ്.

ആബാധിതാ ദഹനചന്ദ്രലസന്മഹോഭ്യാം
രോഗാപമൃത്യുവിഷദാഹരുജഃ പ്രയാന്തി৷৷14.30৷৷

വിധായ ലിപിപങ്കജം മനുയുതോല്ലസത്കര്ണികം

നിധായ ഘടമത്ര പൂരയതു വാരിണാ തന്മുഖമ്.

വിധായ ശശിനാത്മമന്ത്രയുതവാമദോഷ്ണാ പുനഃ
സുധായിതരസൈഃ സ്വസാധ്യമഭിഷേചയേത്തജ്ജലൈഃ৷৷14.32৷৷

കരേണ തേനൈവ ജലാഭിപൂര്ണം

പ്രജപ്യ മന്ത്രീ കരകം പിധായ.

സുധായിതൈസ്തൈര്വിഷിണം നിഷിഞ്ചേ-
ദ്വിഷം നിഹന്യാദപി കാലകൂടമ്৷৷14.34৷৷

ഇത്യജപാമന്ത്രവിധിഃ

സംപ്രോക്തഃ സംഗ്രഹേണ മന്ത്രിവരാഃ.

യം പ്രാപ്യ സകലവസുസുഖ-
ധര്മയശോഭുക്തിമുക്തിഭാജഃ സ്യുഃ৷৷14.36৷৷

ഗുഹ്യാദാചരണതലം

കണ്ഠാദാഗുഹ്യമാഗലം കാന്താന്.

വിന്യസ്യ മന്ത്രബീജാ-
ന്ക്രമേണ മന്ത്രീ കരോതു ചാങ്ഗാനി৷৷14.38৷৷

അരുണസരോരുഹസംസ്ഥ-

സ്ത്രിദൃഗരുണോരുണസരോജയുഗലധരഃ.

കലിതാഭയവരദോ ദ്യുതി-
ബിമ്ബോമിതഭൂഷണസ്ത്വിനോവതു വഃ৷৷14.40৷৷

പ്രാഗഭിഹിതേന വിധിനാ

പീഠാദ്യം പ്രതിവിധായ തത്ര പുനഃ.

വിന്യസ്യ കലശമസ്മി-
ന്പ്രപൂജയേത്തരണിമപി ച സാവരണമ്৷৷14.42৷৷

പ്രാഗാദിദിശാസംസ്ഥാഃ

ശശിബുധഗുരുഭാര്ഗവാഃ ക്രമേണ സ്യുഃ.

ആഗ്നേയാദിഷ്വശ്രിഷു
ധരണിജമന്ദാഹികേതവഃ പൂജ്യാഃ৷৷14.44৷৷

അപരകരാഭയമുദ്രാ-

വികൃതമുഖോഹിഃ കരാഹിതാഞ്ജലിയുക്.

ദംഷ്ട്രോഗ്രാസ്യോ മന്ദഃ
സുവര്ണസദൃശാംശുകാദിഭൂഷശ്ച৷৷14.46৷৷

ഗോരോചനാസ്രതിലവൈണവരാജിരക്ത-

ശീതാഖ്യശാലികരവീരജപാകുശാഗ്രാന്.

ശ്യാമാകതണ്ഡുലയുതാംശ്ച യഥാപ്രലാഭാ-
ന്സംയോജ്യ ഭക്തിഭരതോര്ഘ്യവിധിര്വിധേയഃ৷৷14.48৷৷

ഗൃഹപരിമിതമിഷ്ട്വാ പൂര്വക്ലൃപ്ത്യാ ദിനേശം

പ്രതിജുഹുത നിജര്ക്ഷേ വൈകൃതേ വാ ഗ്രഹാണാമ്.

ശുഭമതിരുപരാഗേ ചന്ദ്രഭാന്വോഃ സ്വഭേ വാ
രിപുനൃപജഭയേ വാ ഘോരരൂപേ ഗദേ വാ৷৷14.50৷৷

സോമാദീനാം ദിശി ദിശി സമാധായ വഹ്നിം യഥാവ-

ദ്ധോമേ സമ്യക്കൃതവതി മുദം യാന്തി സര്വേ ഗ്രഹാശ്ച.

യുദ്ധേ സമ്യഗ്ജയമപി രുജഃ ശാന്തിമായുശ്ച ദീര്ഘം
കൃത്വാ ശാന്തിം വ്രജതി പുനേരകത്ര വാ സര്വഹോമഃ৷৷14.52৷৷

ത്യദ്യന്ത ആര്യസൂര്യര്ണാ മേധാരേചികയാ ഗുണഃ.
വ്യത്യയോഷ്ടാക്ഷരഃ പ്രോക്തഃ സൌരഃ സര്വാര്ഥസാധകഃ৷৷14.54৷৷

സത്യബ്രഹ്മാവിഷ്ണുരുദ്രൈഃ സാഗ്നിഭിഃ സര്വസംയുതൈഃ.
തേജോജ്വാലാമണിം ഹുംഫട്സ്വാഹാന്തൈരങ്ഗമാചരേത്৷৷14.56৷৷

സശിരോമുഖഗലഹൃദയോ-

ദരനാഭിശിവാങ്ഘ്രിഷു പ്രവിന്യസ്യേത്.

പ്രണവാദ്യൈരഷ്ടാര്ണൈഃ
ക്രമേണ സോയം തദക്ഷരന്യാസഃ৷৷14.58৷৷

സംദീക്ഷിതസ്തു മന്ത്രീ

മന്ത്രം പ്രജപേത്തു വര്ണലക്ഷം തമ്.

ജുഹുയാത്ിത്രമധുരസിക്തൈ-
ര്ദുഗ്ധതരുസമിദ്വരൈര്വസുസഹസ്രമ്৷৷14.60৷৷

ശുദ്ധാദ്ഭിരരുണവാസോ-

യുഗേന സംവേഷ്ട്യ പൂജയേത്ക്രമശഃ.

അങ്ഗാവൃതൈഃ പരസ്താ-
ദാദിത്യാദ്യൈരുഷാദിശക്തിയുതൈഃ৷৷14.62৷৷

സംപൂജ്യൈവം ദിനേശം പടുമതിരഥ ജപ്ത്വാ ച ഹുത്വാഭിഷേകം

കൃത്വാ ദത്തേന സംഖ്യാം വസുമപി ഗുരവേ സാംശുകം ഭോജയേച്ച.

വിപ്രാനാദിത്യസംഖ്യാനിതി വിദിതമനും നിത്യശോര്ഘ്യം ച ദദ്യാ-
ദ്വാരേ വാ ഭാസ്കരീയേ ശുഭതരചരിതോ വല്ലഭായ ഗ്രഹാണാമ്৷৷14.64৷৷