ദുര്ഗാസ്യ ദേവതാ ച്ഛന്ദോ ഗായത്രം നാരദോ മുനിഃ.
താരോ മായാ ച ദുര്ഗായൈ ഹ്രാമാദ്യന്താങ്ഗകല്പനാ৷৷13.3৷৷

കൃതാഭിഷേകദീക്ഷസ്തു വസുലക്ഷം ജപേന്മനുമ്.
തദന്തേ ജുഹുയാത്സര്പിഃസംയുക്തേന പയോന്ധസാ৷৷13.5৷৷

പ്രഭാ മായാ ജയാ സൂക്ഷ്മാ വിശുദ്ധാ നന്ദിനീ തഥാ.
സുപ്രഭാ വിജയാ സര്വസിദ്ധിദാ നവമീ തഥാ৷৷13.7৷৷

മഹാസിംഹായ ചേത്യുക്ത്വാ വര്മാസ്ത്രനതയഃ ക്രമാത്.
സിംഹമന്ത്രോയമിത്യേവം സംപ്രോക്താ പീഠകല്പനാ৷৷13.9৷৷

തദായുധൈഃ പഞ്ചമീ ച ദുര്ഗായജനമീദൃശമ്.
ജയാ ച വിജയാ കീര്ത്തിഃ പ്രീതിശ്ചാഥ പ്രഭാഹ്വയാ৷৷13.11৷৷

ക്രമാദഷ്ടായുധാഃ പ്രോക്താ ദൌര്ഗാ ദുര്ഗതിഹാരിണഃ.
ഇത്ഥം ദുര്ഗാമനൌ ജാപഹുതാര്ചാഭിഃ പ്രസാധിതേ৷৷13.13৷৷

വിധായ വിധിനാനേന കലശം ചാഭിഷേചയേത്.

യമസൌ ഭൂതവേതാലപിശാചാദ്യൈര്വിമുച്യതേ.
രാജാഭിഷിക്തോ വിധിനാ സപത്നാനമുനാ ജയേത്৷৷13.15৷৷

അനയൈവ ജപാഭിഷേകഹോമ-

ക്രിയയാ സ്യാദനുരഞ്ജനം ജനാനാമ്.

ഭജതാം സകലാര്ഥസാധനാര്ഥം
മുനിവര്യൈഃ പരികല്പിതോയമാദൌ৷৷13.17৷৷

ശക്യമശക്യം വോക്ത്വാ

തന്മേ ഭഗവതി നിഗദ്യ ശമയപദമ്.

പ്രോക്ത്വാ ഠദ്വിതയയുതം
സപ്തത്രിംശാക്ഷരോ മനുഃ പ്രോക്തഃ৷৷13.19৷৷

ഷഡ്ഭിശ്ചതുര്ഭിരഷ്ടഭി-

രഷ്ടാര്ണൈഃ ഷഡ്ഭിരപി ച പഞ്ചാര്ണൈഃ.

ജാതിയുതൈശ്ച വിദധ്യാ-
ദങ്ഗാനി ച ഷട് ക്രമേണ വിശദമതിഃ৷৷13.21৷৷

ഹേമപ്രഖ്യാമിന്ദുഖണ്ഡാത്തമൌലിം

ശങ്ഖാരിഷ്ടാഭീതിഹസ്താം ത്രിണേത്രാമ്.

ഹേമാബ്ജസ്ഥാം പീതവസ്ത്രാം പ്രസന്നാം
ദേവീം ദുര്ഗാം ദിവ്യരൂപാം നമാമി৷৷13.23৷৷

ചക്രദരഖങ്ഗഖേടക-

ശരകാര്മുകശൂലസംജ്ഞകകപാലൈഃ.

ഋഷ്ടിമുസലകുന്തനന്ദക-
വലയഗദാഭിണ്ഡിപാലശക്ത്യാഖ്യൈഃ৷৷13.25৷৷

വ്യാഘ്രത്വക്പരിധാനാ

സര്വാഭരണാന്വിതാ ത്രിണേത്രാ ച.

അഹികലിതനീലകുഞ്ചിത-
കുന്തലവിലസത്കിരീടശശിശകലാ৷৷13.27৷৷

സംയതചിത്തോ ലക്ഷച-

തുഷ്കം ജപ്ത്വാ ഹുനേദ്ദശാംശേന.

വ്രീഹിതിലാജ്യഹവിര്ഭിഃ
സമ്യക്സംചിന്ത്യ ഭഗവതീമനലേ৷৷13.29৷৷

ആര്യാ ദുര്ഗാ ഭദ്രാ

സഭദ്രകാലീ തഥാമ്ബികാഖ്യാ ച.

ക്ഷേമ്യാ സവേദഗര്ഭാ
ക്ഷേമകരീ ചേതി ശക്തയഃ പ്രോക്താഃ৷৷13.31৷৷

ഇത്ഥം ജപാര്ചനാഹുത-

സിദ്ധമനോര്മന്ത്രിണഃ പ്രയോഗവിധിഃ.

വിഹിതോ ജപഃ പ്രതിദിനം
നിജരക്ഷായൈ ശതം സഹസ്രം വാ৷৷13.33৷৷

സ്നാത്വാര്കാഭിമുഖഃ സ-

ന്നാഭിദ്വയസേമ്ഭസി സ്ഥിതോ മന്ത്രീ.

അഷ്ടോര്ധ്വശതം പ്രജപേ-
ന്നിജവാഞ്ഛിതസിദ്ധയേ ച ലക്ഷ്മ്യൈ ച৷৷13.35৷৷

അയുതം തിലൈര്വനോത്ഥൈ

രാജീഭിര്വാ ഹുനേത്സമിദ്ഭിര്വാ.

മായൂരികീഭിരചിരാ-
ത്സോപസ്മാരാദികാംശ്ച നാശയതി৷৷13.37৷৷

ആര്കൈഃ സമിത്സഹസ്രൈഃ

പ്രതിജുഹുയാദര്കവാരമാരഭ്യ.

ദശദിനതോര്വാഗ്വാഞ്ഛിത-
സിദ്ധിര്ദേവ്യാഃ പ്രസാദതോ ഭവതി৷৷13.39৷৷

വിശിഖാനാം ത്രിംശത്കം

പുരോ നിധായാഥ തീക്ഷ്ണതൈലേന.

ജുഹുയാത്സഹസ്രകം വാ-
യുതമപി സംഖ്യാസു പൂരിതാസു പുനഃ৷৷13.41৷৷

പ്രതിസേനായാ മധ്യേ

സാ ധാവതി സദ്യ ഏവ സംഭ്രാന്താ.

ഭൂയോ ഗുരും ധനൈരപി
ധാന്യൈഃ പരിപൂജയേച്ച കാരയിതാ৷৷13.43৷৷

കാരസ്കരസ്യ പത്രൈ-

രഷ്ടസഹസ്രൈര്നിപാതിതൈര്മരുതാ.

ജുഹുയാത്സപാദപാംസുഭി-
രുച്ചാടകരം ഭവേദ്രിപോഃ സദ്യഃ৷৷13.45৷৷

വിഷതരുമയീം ച ശത്രോഃ

പ്രതികൃതിമസകൃത്പ്രതിഷ്ഠിതപ്രാണാമ്.

ഛിത്ത്വാ ച്ഛിത്ത്വാ കാകോ-
ലൂകവസാക്തൈഃ സഹസ്രമഷ്ടൌ ച৷৷13.47৷৷

സ്വവസാരക്തോപേതൈ-

ര്ജുഹുയാത്പത്രൈരുലൂകവായസയോഃ.

മ്രിയതേരാതിര്മത്ത-
സ്തൂന്മത്തസമിത്സഹസ്രഹോമേന৷৷13.49৷৷

രവിബിമ്ബഗതാമരുണാം

കരയുഗപരിക്ലൃപ്തശൂലതര്ജനികാമ്.

ധ്യാത്വായുതം പ്രജപ്യാ-
ന്മാരയിതും സദ്യ ഏവ രിപുനിവഹമ്৷৷13.51৷৷

വിഷതരുസമിദയുതഹുതാ-

ദഥ കരിണോ രോഗിണോ ഭവന്ത്യചിരാത്.

തത്പര്ണൈശ്ച വിനാശ-
സ്തേഷാമുച്ചാടനം ച തത്പുഷ്പൈഃ৷৷13.53৷৷

ത്രിമധുരയുതൈരനിത്യക-

പത്രൈര്മത്താ ഭവന്തി തേ സദ്യഃ.

രക്ഷാകരസ്തു കരിണാം
തജ്ജാപിതപഞ്ചഗവ്യലേപഃ സ്യാത്৷৷13.55৷৷

ദ്വിജഭൂരുഹം മഹാന്തം

ഛിത്ത്വാ നിര്ഭിദ്യ പഞ്ചധാ ഭൂയഃ.

ആശാക്രമേണ പഞ്ചാ-
യുധാ വിധേയാശ്ച സാധുശില്പവിദാ৷৷13.57৷৷

താവദ്ധൃതേന ജുഹുയാ-

ത്തേഷ്വഥ സംപാത്യ സാധു സംപാതമ്.

പുനരപി താവജ്ജപ്ത്വാ
മധ്യാദ്യവടേഷു പഞ്ചഗവ്യയുതമ്৷৷13.59৷৷

യസ്മിന്ദേശേ വിഹിതാ

രക്ഷേയം തത്ര വര്ധതേ മഹാലക്ഷ്മീഃ.

ധനധാന്യസമൃദ്ധിഃ സ്യാ-
ദ്രിപുചോരാദ്യാശ്ച നൈവ ബാധന്തേ৷৷13.61৷৷

അഥ വാരിദരഗദാമ്ബുജ-

കരം മുകുന്ദം വിചിന്ത്യ രവിബിമ്ബേ.

വ്യത്യസ്തപുരുഷഭഗവതി-
പദം മനും ജപതു സര്വസിദ്ധികരമ്৷৷13.63৷৷

വ്രീഹീണാം ജുഹുയാന്നരോഷ്ടശതകം സംവത്സരാദ്വ്രീഹിമാ-

ന്ഗോദുഗ്ധൈഃ പശുമാന്ഘൃതൈഃ കനകവാന്ദധ്നാ ച സര്വര്ദ്ധിമാന്.

അന്നൈരന്നസമൃദ്ധിമാംശ്ച മധുഭിഃ സ്യാദ്രത്നവാന്ദൂര്വയാ-
പ്യായുഷ്മാന്പ്രതിപദ്ധുതേന മഹതീം സദ്യഃ ശ്രിയം പ്രാപ്നുയാത്৷৷13.65৷৷

ഋഷിര്ദീര്ഘതമാശ്ഛന്ദഃ കകുബ്ദുര്ഗാ ച ദേവതാ.
ദുര്ഗാ ഹൃദ്വരദാ ശീര്ഷം ശിഖാ സ്യാദ്വിന്ധ്യവാസിനീ৷৷13.67৷৷

നന്ദിന്യന്തേ രക്ഷയുഗം മഹായോഗേശ്വരീതി ച.

ശൂലിന്യാദ്യം തു പഞ്ചാങ്ഗം ഹുംഫഡന്തമിതീരിതമ്.
അങ്ഗകര്മൈവ രക്ഷാകൃത്പ്രോക്തം ഗ്രഹനിവാരണമ്৷৷13.69৷৷

ഏവം വിചിന്ത്യ പുനരക്ഷരലക്ഷമേനം

മന്ത്രീ ജപേത്പ്രതിജുഹോതു ദശാംശാതോന്തേ.

ആജ്യേന സാജ്യഹവിഷാ പ്രയജേച്ച ദേവീ-
മങ്ഗാഷ്ടശക്തിനിജഹേതിദിശാധിനാഥൈഃ৷৷13.71৷৷

മഹായോഗേശ്വരീ ചാഷ്ട ശക്തയഃ സമുദീരിതാഃ৷৷
രഥാങ്ഗശങ്ഖാസിഗദാബാണകാര്മുകസംജ്ഞിതാഃ৷৷13.73৷৷

ഉദ്ധൂര്ണൈഃ പ്രഹരണകൈരുദീര്ണവേഗൈഃ(?)

ശൂലാദ്യൈര്നിജമഥ ശൂലിനീം വിചിന്ത്യ.

ആവിശ്യ ക്ഷണമിവ ജപ്യമാനമന്ത്ര-
സ്യാവൃത്ത്യാ ദ്രുതമപയാന്തി ഭൂതസംഘാഃ৷৷13.75৷৷

അഹിമൂഷികവൃശ്ചികാദിജം വാ

ബഹുപാത്കുക്കുരലൂതികോദ്ഭവം വാ.

വിഷമാശു വിനാശയേന്നരാണാം
പ്രതിപത്ത്യൈവ ച വിന്ധ്യവാസിനീ സാ৷৷13.77৷৷

ആത്മാനമാര്യാം പ്രതിപദ്യ ശൂല-

പാശാന്വിതാം വൈരിബലം പ്രവിശ്യ.

മന്ത്രം ജപന്നാശു പരായുധാനി
ഗൃഹ്ണാതി മുഷ്ണാതി ച ബോധമേഷാമ്৷৷13.79৷৷

ത്രിമധുരയുക്തൈശ്ച തിലൈ-

രഷ്ടസഹസ്രം ജുഹോതി യോനുദിനമ്.

അപ്രതിഹതാസ്യ ശക്തി-
ര്ഭൂയാത്പ്രാഗേവ വത്സരതഃ৷৷13.81৷৷

ക്ഷുരികാകൃപാണനഖരാ

മന്ത്രേണാനേന സാധു സംജപ്താഃ.

സംപാതാജ്യസുസിക്താ
അപ്രതിഹതശക്തയോ ഭവന്തി യുധി৷৷13.83৷৷

അസ്പൃഷ്ടകും ഗോമയമന്തരിക്ഷേ

സംഗൃഹ്യ ജപ്ത്വാ ത്രിസഹസ്രമാനമ്.

ധിയാസതാം വൈ നിഖനേന്നരാണാം
സംസ്തമ്ഭനം ദ്വാരി ചമൂമുഖേ ച৷৷13.85৷৷

ആര്കൈര്മന്ത്രീ ത്രിമധുരയുതൈരര്കസാഹസ്രമിധ്മൈ-

രാശ്വത്ഥൈര്വാ ത്വതിവിശദചേതാസ്തിലൈര്വാ ജുഹോതു.

യാനുദ്ദിശ്യാവഹിതമനസാ തന്മയേ സമ്യഗഗ്നൌ
തേ വശ്യാഃ സ്യുര്വിധുരിതധിയോ നാത്ര കാര്യോ വിചാരഃ৷৷13.87৷৷