दुर्गास्य देवता च्छन्दो गायत्रं नारदो मुनिः।
तारो माया च दुर्गायै ह्रामाद्यन्ताङ्गकल्पना।।13.3।।

कृताभिषेकदीक्षस्तु वसुलक्षं जपेन्मनुम्।
तदन्ते जुहुयात्सर्पिःसंयुक्तेन पयोन्धसा।।13.5।।

प्रभा माया जया सूक्ष्मा विशुद्धा नन्दिनी तथा।
सुप्रभा विजया सर्वसिद्धिदा नवमी तथा।।13.7।।

महासिंहाय चेत्युक्त्वा वर्मास्त्रनतयः क्रमात्।
सिंहमन्त्रोऽयमित्येवं संप्रोक्ता पीठकल्पना।।13.9।।

तदायुधैः पञ्चमी च दुर्गायजनमीदृशम्।
जया च विजया कीर्त्तिः प्रीतिश्चाथ प्रभाह्वया।।13.11।।

क्रमादष्टायुधाः प्रोक्ता दौर्गा दुर्गतिहारिणः।
इत्थं दुर्गामनौ जापहुतार्चाभिः प्रसाधिते।।13.13।।

विधाय विधिनानेन कलशं चाभिषेचयेत्।

यमसौ भूतवेतालपिशाचाद्यैर्विमुच्यते।
राजाभिषिक्तो विधिना सपत्नानमुना जयेत्।।13.15।।

अनयैव जपाभिषेकहोम

क्रियया स्यादनुरञ्जनं जनानाम्।

भजतां सकलार्थसाधनार्थं
मुनिवर्यैः परिकल्पितोऽयमादौ।।13.17।।

शक्यमशक्यं वोक्त्वा

तन्मे भगवति निगद्य शमयपदम्।

प्रोक्त्वा ठद्वितययुतं
सप्तत्रिंशाक्षरो मनुः प्रोक्तः।।13.19।।

षड्भिश्चतुर्भिरष्टभि

रष्टार्णैः षड्भिरपि च पञ्चार्णैः।

जातियुतैश्च विदध्या
दङ्गानि च षट् क्रमेण विशदमतिः।।13.21।।

हेमप्रख्यामिन्दुखण्डात्तमौलिं

शङ्खारिष्टाभीतिहस्तां त्रिणेत्राम्।

हेमाब्जस्थां पीतवस्त्रां प्रसन्नां
देवीं दुर्गां दिव्यरूपां नमामि।।13.23।।

चक्रदरखङ्गखेटक

शरकार्मुकशूलसंज्ञककपालैः।

ऋष्टिमुसलकुन्तनन्दक
वलयगदाभिण्डिपालशक्त्याख्यैः।।13.25।।

व्याघ्रत्वक्परिधाना

सर्वाभरणान्विता त्रिणेत्रा च।

अहिकलितनीलकुञ्चित
कुन्तलविलसत्किरीटशशिशकला।।13.27।।

संयतचित्तो लक्षच

तुष्कं जप्त्वा हुनेद्दशांशेन।

व्रीहितिलाज्यहविर्भिः
सम्यक्संचिन्त्य भगवतीमनले।।13.29।।

आर्या दुर्गा भद्रा

सभद्रकाली तथाम्बिकाख्या च।

क्षेम्या सवेदगर्भा
क्षेमकरी चेति शक्तयः प्रोक्ताः।।13.31।।

इत्थं जपार्चनाहुत

सिद्धमनोर्मन्त्रिणः प्रयोगविधिः।

विहितो जपः प्रतिदिनं
निजरक्षायै शतं सहस्रं वा।।13.33।।

स्नात्वार्काभिमुखः स

न्नाभिद्वयसेऽम्भसि स्थितो मन्त्री।

अष्टोर्ध्वशतं प्रजपे
न्निजवाञ्छितसिद्धये च लक्ष्म्यै च।।13.35।।

अयुतं तिलैर्वनोत्थै

राजीभिर्वा हुनेत्समिद्भिर्वा।

मायूरिकीभिरचिरा
त्सोऽपस्मारादिकांश्च नाशयति।।13.37।।

आर्कैः समित्सहस्रैः

प्रतिजुहुयादर्कवारमारभ्य।

दशदिनतोऽर्वाग्वाञ्छित
सिद्धिर्देव्याः प्रसादतो भवति।।13.39।।

विशिखानां त्रिंशत्कं

पुरो निधायाथ तीक्ष्णतैलेन।

जुहुयात्सहस्रकं वा
युतमपि संख्यासु पूरितासु पुनः।।13.41।।

प्रतिसेनाया मध्ये

सा धावति सद्य एव संभ्रान्ता।

भूयो गुरुं धनैरपि
धान्यैः परिपूजयेच्च कारयिता।।13.43।।

कारस्करस्य पत्रै

रष्टसहस्रैर्निपातितैर्मरुता।

जुहुयात्सपादपांसुभि
रुच्चाटकरं भवेद्रिपोः सद्यः।।13.45।।

विषतरुमयीं च शत्रोः

प्रतिकृतिमसकृत्प्रतिष्ठितप्राणाम्।

छित्त्वा च्छित्त्वा काको
लूकवसाक्तैः सहस्रमष्टौ च।।13.47।।

स्ववसारक्तोपेतै

र्जुहुयात्पत्रैरुलूकवायसयोः।

म्रियतेऽरातिर्मत्त
स्तून्मत्तसमित्सहस्रहोमेन।।13.49।।

रविबिम्बगतामरुणां

करयुगपरिक्लृप्तशूलतर्जनिकाम्।

ध्यात्वायुतं प्रजप्या
न्मारयितुं सद्य एव रिपुनिवहम्।।13.51।।

विषतरुसमिदयुतहुता

दथ करिणो रोगिणो भवन्त्यचिरात्।

तत्पर्णैश्च विनाश
स्तेषामुच्चाटनं च तत्पुष्पैः।।13.53।।

त्रिमधुरयुतैरनित्यक

पत्रैर्मत्ता भवन्ति ते सद्यः।

रक्षाकरस्तु करिणां
तज्जापितपञ्चगव्यलेपः स्यात्।।13.55।।

द्विजभूरुहं महान्तं

छित्त्वा निर्भिद्य पञ्चधा भूयः।

आशाक्रमेण पञ्चा
युधा विधेयाश्च साधुशिल्पविदा।।13.57।।

तावद्धृतेन जुहुया

त्तेष्वथ संपात्य साधु संपातम्।

पुनरपि तावज्जप्त्वा
मध्याद्यवटेषु पञ्चगव्ययुतम्।।13.59।।

यस्मिन्देशे विहिता

रक्षेयं तत्र वर्धते महालक्ष्मीः।

धनधान्यसमृद्धिः स्या
द्रिपुचोराद्याश्च नैव बाधन्ते।।13.61।।

अथ वारिदरगदाम्बुज

करं मुकुन्दं विचिन्त्य रविबिम्बे।

व्यत्यस्तपुरुषभगवति
पदं मनुं जपतु सर्वसिद्धिकरम्।।13.63।।

व्रीहीणां जुहुयान्नरोऽष्टशतकं संवत्सराद्व्रीहिमा

न्गोदुग्धैः पशुमान्घृतैः कनकवान्दध्ना च सर्वर्द्धिमान्।

अन्नैरन्नसमृद्धिमांश्च मधुभिः स्याद्रत्नवान्दूर्वया
प्यायुष्मान्प्रतिपद्धुतेन महतीं सद्यः श्रियं प्राप्नुयात्।।13.65।।

ऋषिर्दीर्घतमाश्छन्दः ककुब्दुर्गा च देवता।
दुर्गा हृद्वरदा शीर्षं शिखा स्याद्विन्ध्यवासिनी।।13.67।।

नन्दिन्यन्ते रक्षयुगं महायोगेश्वरीति च।

शूलिन्याद्यं तु पञ्चाङ्गं हुंफडन्तमितीरितम्।
अङ्गकर्मैव रक्षाकृत्प्रोक्तं ग्रहनिवारणम्।।13.69।।

एवं विचिन्त्य पुनरक्षरलक्षमेनं

मन्त्री जपेत्प्रतिजुहोतु दशांशातोऽन्ते।

आज्येन साज्यहविषा प्रयजेच्च देवी
मङ्गाष्टशक्तिनिजहेतिदिशाधिनाथैः।।13.71।।

महायोगेश्वरी चाष्ट शक्तयः समुदीरिताः.।
रथाङ्गशङ्खासिगदाबाणकार्मुकसंज्ञिताः।।13.73।।

उद्धूर्णैः प्रहरणकैरुदीर्णवेगैः(?)

शूलाद्यैर्निजमथ शूलिनीं विचिन्त्य।

आविश्य क्षणमिव जप्यमानमन्त्र
स्यावृत्त्या द्रुतमपयान्ति भूतसंघाः।।13.75।।

अहिमूषिकवृश्चिकादिजं वा

बहुपात्कुक्कुरलूतिकोद्भवं वा।

विषमाशु विनाशयेन्नराणां
प्रतिपत्त्यैव च विन्ध्यवासिनी सा।।13.77।।

आत्मानमार्यां प्रतिपद्य शूल

पाशान्वितां वैरिबलं प्रविश्य।

मन्त्रं जपन्नाशु परायुधानि
गृह्णाति मुष्णाति च बोधमेषाम्।।13.79।।

त्रिमधुरयुक्तैश्च तिलै

रष्टसहस्रं जुहोति योऽनुदिनम्।

अप्रतिहतास्य शक्ति
र्भूयात्प्रागेव वत्सरतः।।13.81।।

क्षुरिकाकृपाणनखरा

मन्त्रेणानेन साधु संजप्ताः।

संपाताज्यसुसिक्ता
अप्रतिहतशक्तयो भवन्ति युधि।।13.83।।

अस्पृष्टकुं गोमयमन्तरिक्षे

संगृह्य जप्त्वा त्रिसहस्रमानम्।

धियासतां वै निखनेन्नराणां
संस्तम्भनं द्वारि चमूमुखे च।।13.85।।

आर्कैर्मन्त्री त्रिमधुरयुतैरर्कसाहस्रमिध्मै

राश्वत्थैर्वा त्वतिविशदचेतास्तिलैर्वा जुहोतु।

यानुद्दिश्यावहितमनसा तन्मये सम्यगग्नौ
ते वश्याः स्युर्विधुरितधियो नात्र कार्यो विचारः।।13.87।।