ബീജൈസ്ത്രിഭിര്ദ്വിരുക്തൈഃ

കുര്യാദങ്ഗാനി സാധകഃ സിദ്ധ്യൈ.

പൂര്വതരേരിതയോര്വാ
ദ്വയോരഥൈകം തദങ്ഗയോഃ പ്രഭജേത്৷৷12.2৷৷

ആബദ്ധരത്നമകുടാം മണികുണ്ഡലോദ്യ-

ത്കേയൂരകോര്മിരശനാഹ്വയനൂപുരാഢ്യാമ്.

ധ്യായേദ്ധൃതാബ്ജയുഗപാശകശാങ്കുരേക്ഷു-
ചാപാം സപുഷ്പവിശിഖാം നവഹേമവര്ണാമ്৷৷12.4৷৷

യോഗേശ്വരീമിതി വിചിന്ത്യ ജപേച്ച മന്ത്ര-

മാദിത്യലക്ഷമഥ മന്ത്രിതമോ ജപാന്തേ.

ശ്രീരാജവൃക്ഷസമിധാം സജപാര്തവാനാം
താവത്സഹസ്രസമിതം മധുരൈര്ജുഹോതു৷৷12.6৷৷

ലക്ഷ്മീഗൌരീമനസിശയബീജാനി കൃത്വാ കലായാം

താം വാ ബിന്ദൌ തമപി ഗഗനേ തച്ച സിന്ദൂരവര്ണമ്.

സ്മൃത്വാ ബുദ്ധ്യാ ഭുവനമഖിലം തന്മയന്വേന മന്ത്രീ
ദേവാന്വശ്യാനപി വിതനുതേ കിം പുനര്മര്ത്യജാതീന്৷৷12.8৷৷

സഹൃദയഭഗവത്യൈ ദാന്തരണ്യൈ ധരാര്ണാഃ

സണിധരശിവധാര്ണാരേ ദ്വിഠാന്താ ധ്രുവാദ്യാഃ.

ഗദിതമിതി ധരായാ മന്ത്രമുത്കൃഷ്ടധാത്രീ-
സുഖസുതധനധാന്യപ്രാപ്തിദം കീര്ത്തിദം ച৷৷12.10৷৷

മുഖ്യാമ്ഭോജേ നിവിഷ്ടാരുണചരണതലാ ശ്യാമലാങ്ഗീ മനോജ്ഞാ

ചഞ്ചച്ഛാല്യഗ്രചുമ്ബച്ഛുകലസിതകരാ പ്രാപ്തനീലോത്പലാ ച.

രത്നാകല്പാഭിരാമാ മണിമയമകുടാ ചിത്രവസ്ത്രാ പ്രസന്നാ
ദിശ്യാദ്വിശ്വംഭരാ വഃ സതതമഭിമതം വല്ലഭാ കൈടഭാരേഃ৷৷12.12৷৷

പീഠേ വിഷ്ണോഃ പൂജയേത്പൂര്വമന്ത്രൈ-

ര്ഭൂവഹ്ന്യമ്ബുപ്രാണസംജ്ഞൈശ്ച ഭൂതൈഃ.

ശാന്ത്യന്താഭിഃ ശക്തിഭിഃ സാകമാശാ-
പാലൈഃ പൃഥ്വീം സംയതാത്മോപചാരൈഃ৷৷12.14৷৷

പിങ്ഗലാം പൃഥുലശാലിമഞ്ജരീം

യോ ജുഹോതി മധുരത്രയോക്ഷിതാമ്.

നിത്യശഃ ശതമഥാസ്യ മണ്ഡലാ-
ദ്ധസ്തഗാ ഭവതി വിസ്തൃതാ മഹീ৷৷12.16৷৷

ഷണ്മാസാദനുഭൃഗുവാരമേഷ ഹോമഃ

സംപന്നാന്സമുപനയേദ്ധരാപ്രദേശാന്.

പുത്രാന്വാ പശുമഹിഷേഷ്ടജുഷ്ടപുഷ്ടാ-
മിഷ്ടാമപ്യനുദിനമിന്ദിരാം സമഗ്രാമ്৷৷12.18৷৷

അഥ പുരുഷാര്ഥചതുഷ്ടയ-

സിദ്ധികരീ മന്ത്രജാപനിരതാനാമ്.

ത്വരിതാഖ്യേയം വിദ്യാ
നിഗദ്യതേ ജപഹുതാര്ചനാവിധിഭിഃ৷৷12.20৷৷

വര്മദ്ധര്യേ ച തദന്ത്യഃ

ശിവയുക്ചരമേങ്ഗനാദ്യുസാധിലവമ്.

അന്ത്യഃ സ യോനിരസ്ത്രാ-
ന്തികഃ സതാരോ മനുര്ദശാര്ണയുതഃ৷৷12.22৷৷

കൂര്മാദിഭ്യാം ദ്വാഭ്യാം

ദ്വാഭ്യാമപി പൂര്വപൂര്വഹീനാഭ്യാമ്.

കുര്യാത്സപ്തഭിരര്ണൈ-
രങ്ഗാനി ച ഷട് ക്രമേണ മന്ത്രജ്ഞഃ৷৷12.24৷৷

ശ്യാമതനുമരുണപങ്കജ-

ചരണതലാം വൃഷലനാഗമഞ്ജീരാമ്.

സ്വര്ണാംശുകപരിധാനാം
വൈശ്യാഹിദ്വന്ദ്വമേഖലാകലിതാമ്৷৷12.26৷৷

നൃപഫണികേയൂരാം താം

ഗലവിലസദ്വിവിധമണിയുതാഭരണാമ്.

ദ്വിജനാഗവിഹിതകുണ്ഡല-
മണ്ഡിതഗണ്ഡദ്വയീമുകുരശോഭാമ്৷৷12.28৷৷

കുഞ്ചിതകുന്തലവിലസ-

ന്മകുടാഘടിതാഹിവൈരിപിഞ്ഛയുതാമ്.

കൈരാതീം വനകുസുമോ-
ജ്ജ്വലാം മയൂരാതപത്രകേതനികാമ്৷৷12.30৷৷

ദീക്ഷാം പ്രാപ്യ ഗുരോരഥ

ലക്ഷം ജപ്യാദ്ദശാംശകം ജുഹുയാത്.

ബില്വസമിദ്ഭിസ്ത്രിമധുര-
യുക്താഭിഃ സാധകഃ സുസംയതധീഃ৷৷12.32৷৷

ഹുങ്കാരാഖ്യാ ഖേചരി

ചണ്ഡേസച്ഛേദനീ തഥാ ക്ഷപണീ.

ഭൂയഃ സ്ത്രിയാഹ്വയാ ഹും-
കാരീസക്ഷേമകാരികാഃ പൂജ്യാഃ৷৷12.34৷৷

സസ്വര്ണവേത്രയഷ്ട്യൌ

ദ്വാഃസ്ഥേ പൂജ്യേ പുനര്ജയാവിജയേ.

കൃഷ്ണോ ബര്ബരകേശോ
ലഗുഡധരഃ കിംകരശ്ച തത്പുരതഃ৷৷12.36৷৷

ജപഹുതപൂജാഭേദൈ-

രിതി സിദ്ധേ മന്ത്രജാപിനോ മന്ത്രേ.

നാരീനരനരപതയഃ
കുര്വന്തി സദാ നമസ്ക്രിയാമസ്മൈ৷৷12.38৷৷

സ്മരശരവിഹ്വലിതാങ്ഗ്യോ

രോമാഞ്ചിതഗാത്രവല്ലരീലലിതാഃ.

ഘനഘര്മബിന്ദുമൌക്തിക-
വിലസത്കുചഗണ്ഡമണ്ഡലദ്വിതയാഃ৷৷12.40৷৷

ശ്ലഥമാനാംശുകചികുരാ

മദവിവശസ്ഖലിതമന്ദഭാഷിണ്യഃ.

മൃദുതരമസ്തകവിരചിത-
നത്യഞ്ജലയഃ പ്രസാദകാങ്ക്ഷിണ്യഃ৷৷12.42৷৷

ഇത്യാദി വാണിനീഭി-

ര്വിലോഭ്യമാനോ യദാ ന വിക്രിയതേ.

മന്ത്രീ തദേത്യ വാഞ്ഛിത-
മഖിലം തസ്മൈ ദദാതി സാ ദേവീ৷৷12.44৷৷

ഇക്ഷുശകലൈഃ സമൃദ്ധ്യൈ

ദൂര്വാഭിഃ സ്വായുഷേ ശ്രിയേ ധാന്യൈഃ.

ധാന്യായ യവൈഃ പുഷ്ട്യൈ
ഗോധൂമൈഃഋദ്ധയേ തിലൈര്ജുഹുയാത്৷৷12.46৷৷

അരുണോത്പലൈശ്ച പുഷ്ട്യൈ

മധൂകജൈരിഷ്ടസിദ്ധയേശോകൈഃ.

പുത്രാപ്ത്യൈ പാടലജൈഃ
സ്ത്രീസിദ്ധ്യൈ നിമ്ബജൈശ്ച വിദ്വിഷ്ട്യൈ৷৷12.48৷৷

ഹുതസംഖ്യാസാഹസ്രീ

നിയുതാ വാഥായുതാന്തികീ ഭവതി.

യാവത്സംഖ്യോ ഹോമ-
സ്താവജ്ജപ്യശ്ച മന്ത്രിണാ മന്ത്രഃ৷৷12.50৷৷

തത്കര്ണരന്ധ്രജാപാ-

ത്സദ്യോ നശ്യുര്വിഷഗ്രഹാദിരുജഃ.

തദ്യന്ത്രസ്ഥാപനമപി
വിഷഭൂതാദിപ്രശാന്തികൃദ്ഭവതി৷৷12.52৷৷

ആഖ്യാം മധ്യഗതാനലേ ലിഖതു ദിക്പങ്ക്തിഷ്വഥ സ്യുഃ സഹ്രൂം (?)

ക്ഷ്രൂം ച്രൂം ഛ്രൂം കരണദ്വിഷഷ്ടിപദകേ ശൈവാദി കാലീമനുമ്.

നൈഃഋത്യാദി തഥാ ക്രമാക്രമവൃതം ബാഹ്യേനലൈരാവൃതം
പ്രോക്തം നിഗ്രഹചക്രമന്തകപുരപ്രാപ്തിപ്രദം വൈരിണാമ്৷৷12.54৷৷

യമാപാടടപാമായ

മാടമോടടമോടമാ.

വാമോ ഭൂരിരിഭൂമോവാ
ടരരീസ്ത്വസ്ത്വരീരട৷৷12.56৷৷

ചക്രേ ചാഷ്ടാഷ്ടപദേ

കാലീശിവയാതുധാനഖണ്ഡാദ്യമ്.

യമദഹനാനിലവീതം
വിലിഖ്യ വിഷദണ്ഡിമര്കടീലിപ്തമ്৷৷12.58৷৷

ഖണ്ഡേഷ്വേകാശീതിഷു മധ്യേന്ദുഗസാധ്യം

ജുംസഃ പൂര്വം ദിക്സ്ഥചതുഷ്പങ്ക്തിഷു ശൈഖമ്.

ലിഖ്യാല്ലക്ഷ്മീം ശിഷ്ടചതുഃഷഷ്ഠിഷു വിദ്വാ-
നീശാദ്യം കന്യാദി ച ബാഹ്യേ ത്വരിതാഖ്യാമ്৷৷12.60৷৷

ശ്രീസാമായായാമാസാശ്രീ

സാനോയാജ്ഞേജ്ഞേയാനോസാ.

മായാലീലാലാലീയാമാ
യാജ്ഞേലാലീലീലാജ്ഞേയാ৷৷12.62৷৷

ചതുഃഷഷ്ട്യംശേ വാ ക്രമവിദഥ ലക്ഷ്മീമനുമമും

ശിവാദ്യം നൈഃഋത്യാദികമപിഃ ചതുര്ണാമൃതവൃതമ്.

ബഹിഃ സ്വച്ഛേ പട്ടേ കനകവിഹിതേ പൂര്വവിധിനാ
ലിഖിത്വാ ജപ്ത്വാ നിക്ഷിപതു ശിതധീര്യത്ര തദിദമ്৷৷12.64৷৷

ഹുംകാരേ സാധ്യസംജ്ഞാം വിലിഖതു തദധഃ കര്ണികായാം ച ശിഷ്ടാ-

നഷ്ടൌ വര്ണാന്ദലേഷ്വാരചയതു ഹരമായാം ത്രിശോ വേഷ്ടയിത്വാ.

കുമ്ഭസ്ഥം യന്ത്രമേതത്സരസിജപുടിതം സര്വരക്ഷാപ്രസിദ്ധ്യൈ
ക്ലൃപ്തം സര്വോപസര്ഗപ്രശമനഫലദം ശ്രീകരം വശ്യകാരി৷৷12.66৷৷

സ്മരദീര്ഘൈധരകാഗ്ന്യോം-

ദീര്ഘാഭ്യക്ഷ്വേലദദ്രലാന്തശിവാഃ.

അഭിതഃ ശക്തിനിരുദ്ധോ
ദ്വാദശവര്ണോയമീരിതോ മന്ത്രഃ৷৷12.68৷৷

ഇന്ദുകലാകലിതോജ്ജ്വലമൌലി-

ര്മാരമദാകുലിതായുഗനേത്രാ.

ശോണിതസിന്ധുതരങ്ഗിതപോത-
ദ്യോതിതഭാനുദലാമ്ബുജസംസ്ഥാ৷৷12.70৷৷

സ്മൃത്വാ നിത്യാം ദേവീ-

മേവം പ്രജപേന്മനും ശതസഹസ്രമ്.

അയുതം ജുഹുയാദന്തേ
നൃപതരുസമിധാം ഘൃതേന വാ സിദ്ധ്യൈ৷৷12.72৷৷

ഹൃല്ലേഖാ ക്ലേദനീ നന്ദാ ക്ഷോഭണീ മദനാതുരാ.
നിരഞ്ജനാ രാഗവതീ തഥാന്യാ മദനാവതീ৷৷12.74৷৷

അങ്ഗൈഃ ശക്തിഭിരാഭി-

ര്മാതൃഭിരാശാധിപൈഃ ക്രമാത്പൂജ്യാ.

ഭക്തിഭരാനതവപുഷാ
ഭവഭയഭങ്ഗായ മന്ത്രിണാഹരഹഃ৷৷12.76৷৷

ഇതീരിതാ ലോകഹിതായ വജ്ര-

പ്രസ്താരിണീ മന്ദിരമിന്ദിരായാഃ.

യാ സര്വനാരീനരരാജവര്ഗ-
സംമോഹനീ മോഹനബാണഭൂതാ৷৷12.78৷৷

രക്താരക്താംശുകകുസുമവിലേപാദികാ സേന്ദുമൌലിഃ

സ്വിദ്യദ്വക്ത്രാ മദവിവശസമാഘൂര്ണിതത്രീക്ഷണാ ച.

ദോഃസത്പാശാങ്കുശയുതകപാലാഭയാ പദ്മസംസ്ഥാ
ദേവീ പായാദമിതഫലദാ നിത്യശഃ പാര്വതീ വഃ৷৷12.80৷৷

പീഠം പൂര്വവദഭ്യര്ച്യ തത്രാവാഹ്യാപി പൂജയേത്.
അങ്ഗൈശ്ച ശക്തിഭിര്ലോകപാലൈര്ദേവീം സമാഹിതഃ৷৷12.82৷৷

പ്രജപേത്പ്രമദാം വിചിന്ത്യ യാം വാ

ശയനസ്ഥോ മനുവിത്സഹസ്രമാനമ്.

നിശി മാരശിലീമുഖാഹതാങ്ഗീ
നചിരാത്സാ മദവിഹ്വലാ സമേതി৷৷12.84৷৷