വിയത്തുരീയസ്തു വിലോമതോനല-

പ്രദീപിതോ വാമവിലോചനാഞ്ചിതഃ.

സചന്ദ്രഖണ്ഡഃ കഥിതോ രമാമനു-
ര്മനോരഥാവാപ്തിമഹാസുരദ്രുമഃ৷৷11.2৷৷

ഭൂയാദ്ഭൂയോ ദ്വിപദ്മാഭയവരദകരാ തപ്തകാര്തസ്വരാഭാ

ശുഭ്രാഭ്രാഭേഭയുഗ്മദ്വയധൃതകരകുമ്ഭാദ്ഭിരാസിച്യമാനാ.

രത്നൌഘാബദ്ധമൌലിര്വിമലതരദുകൂലാര്തവാലേപനാഢ്യാ
പദ്മാക്ഷീ പദ്മനാഭോരസി കൃതവസതിഃ പദ്മഗാ ശ്രീഃ ശ്രിയേ വഃ৷৷11.4৷৷

ജപാവസാനേ ദിനകൃത്സഹസ്ര-

സംഖ്യൈഃ സരോജൈര്മധുരത്രയാക്തൈഃ.

ഹുനേത്തിലൈര്വാ വിധിനാഥ ബൈല്വൈഃ
സമിദ്വരൈര്മന്ത്രിവരസ്ത്രിഭിര്വാ৷৷11.6৷৷

വിഭൂതിരുന്നതിഃ കാന്തിര്ഹൃഷ്ടിഃ കീര്ത്തിശ്ച സംനതിഃ.
പുഷ്ടിരാകൃഷ്ടിഃഋദ്ധിശ്ചഃ രമായാ നവ ശക്തയഃ৷৷11.8৷৷

അങ്ഗൈഃ പ്രഥമാവൃതിരപി

മൂര്തീഭചതുഷ്കനിധിയുഗൈരപരാ.

ശക്ത്യഷ്ടകേന ചാന്യാ
ചരമാ കകുബീശ്വരൈഃ സമഭ്യര്ച്യാ৷৷11.10৷৷

ബലാകീ വിമലാ ചൈവ കമലാ വനമാലികാ.
വിഭീഷികാ ദ്രാവികാ ച ശാംകരീ വസുമാലികാ৷৷11.12৷৷

അമ്ഭസ്യുരോജദ്വയസേ ഹി തിഷ്ഠം-

സ്ത്രിലക്ഷമേനം പ്രജപേച്ച മന്ത്രീ.

ശ്രിയം വിചിന്ത്യാര്കഗതാം യഥാവ-
ദ്ദരിദ്രതായാ ഭവതി പ്രമുക്തഃ৷৷11.14৷৷

ജുഹുയാദശോകദഹനേ

സഘൃതൈരപി തണ്ഡുലൈഃ സകലവശ്യതമമ്.

ഖദിരാനലേ ത്രിമധുരൈ-
രപി തൈര്ധനദം ച രാജകുലവശ്യമപി৷৷11.16৷৷

ബില്വം ശ്രീസൂക്തജാപീ നിജഭുവി മുഖജോ വര്ധയിത്വാസ്യ പൂര്വം

പത്രൈസ്ത്രിസ്വാദുയുക്തൈഃ കുസുമഫലസമിദ്ഭിസ്തതസ്കന്ധഭൈദൈഃ.

തന്മൂലൈര്മണ്ഡലാത്പ്രാക്സുനിയതചരിതോസൌ ഹുതാന്നിര്മലാത്മാ
രൂപം പശ്യേദ്രമായാഃ കഥമപി ന പുനസ്തത്കുലേ സ്യാദലക്ഷ്മീഃ৷৷11.18৷৷

ദക്ഷോസ്യ സ്യാദൃഷിശ്ഛന്ദസി സുമതിഭിരുക്തോ വിരാഡ്ദേവതാ ച

ശ്രീദേവീപദ്മിനീഭ്യാം ഹൃദയകശിരസീ വിഷ്ണുപത്ന്യാ ശിഖാ ച.

മേദോരേഫാഹ്വദാര്ണൈരപി ച കമലരൂപാക്ഷരൈവര്മസാസ്ത്രാം
താരാദ്യാഭിര്നമോന്താഭിരിതി നിഗദിതം ജാതിയുക്താഭിരങ്ഗമ്৷৷11.20৷৷

ധ്യാത്വൈവം ശ്രിയമപി പൂര്വക്ലൃപ്തപീഠേ

പദ്മാദൌ പ്രഥമമഥാര്ചയേത്തദങ്ഗൈഃ.

അഷ്ടാഭിര്ദലമനുശക്തിഭിസ്തദന്തേ
ലോകേശൈരിതി വിധിനാര്ചയേത്സമൃദ്ധ്യൈ৷৷11.22৷৷

ഇതി മന്ത്രജപാദൃതധീര്മധുര-

ത്രിതയൈരയുതം ജുഹുയാത്കമലൈഃ.

പരിശുദ്ധമനാ നചിരാത്സ പുന-
ര്ലഭതേ നിജവാഞ്ഛിതമര്ഥചയമ്৷৷11.24৷৷

നന്ദ്യാവര്തൈര്ജുഹുത ഭഗഭേഭ്യര്ച്യ ലക്ഷ്മീം സഹസ്രം

താവദ്ബൈല്വൈസ്ത്രിമധുരയുതൈര്വാ ഫലൈഃ പൌര്ണമാസ്യാമ്.

പഞ്ചമ്യാം വാ സിതസരസിജൈഃ ശുക്രവാരേച്ഛപുഷ്പൈ-
രന്യൈര്മാസം പ്രതിഹുതവിധിര്വത്സരൈഃ സ്യാദ്ധനാഢ്യഃ৷৷11.26৷৷

ത്രിഭിസ്തു വര്ണൈര്ഹൃദയം ശിരോഭിഃ

സ്യാത്പഞ്ചഭിശ്ചാഥ ശിഖാ ത്രിവര്ണാ.

ത്രിഭിസ്തഥാ വര്മ ചതുര്ഭിരസ്ത്രം
പൃഥക് ത്രിബീജാപുടിതൈസ്തദങ്ഗമ്৷৷11.28৷৷

ലക്ഷം ജപേന്മനുമിമം മധുരത്രയാക്തൈ-

ര്ബൈല്വൈഃ ഫലൈഃ പ്രതിഹുനേദയുതം തദന്തേ.

ആരാധയേദനുദിനം പ്രതിവക്ഷ്യമാണ-
മാര്ഗേണ ദുര്ഗതിഭയാദ്രഹിതോ ഭവേത്സഃ৷৷11.30৷৷

ഭാരതീപാര്വതീചാന്ദ്രീശചീഭിരപി സംയുതാ.
ദമകാദിസ്തൃതീയാനുരാഗാദ്യൈശ്ച ചതുര്ഥ്യപി৷৷11.32৷৷

അനന്തബ്രഹ്മപര്യന്തൈഃ പഞ്ചമീന്ദ്രാദിഭിര്മതാ.
ചക്രപദ്മാന്തികൈഃ ഷഷ്ഠീവജ്രാദ്യൈരാവൃതിഃ ശ്രിയഃ৷৷11.34৷৷

ശ്രീമന്ത്രേഷ്വിതി ഗദിതേഷു ഭക്തിയുക്തഃ

ശ്രീസൂക്താന്യപി ച ജപേദ്യജേദ്ധുനേച്ച.

സൂക്തേ തു പ്രഥമതരേ സ്വയം മുനിഃ സ്യാ-
ദന്യേഷാം മുനയ ഇമേ ഭവന്തി ഭൂയഃ৷৷11.36৷৷

ആദ്യേ സൂക്തത്രയേ ച്ഛന്ദോനുഷ്ടുപ്കാംസേ ബൃഹത്യപി.
തദന്ത്യയോസ്ത്രിഷ്ടുബാഖ്യാം പരസ്താദഷ്ടകേ പുനഃ৷৷11.38৷৷

മൂര്ധാക്ഷികര്ണനാസാ-

മുഖഗലദോര്ഹൃദയനാഭിഗുഹ്യേഷു.

പായൂരുജാനുജങ്ഘാ-
ചരണേഷു ന്യസതു സൂക്തകൈഃ ക്രമശഃ৷৷11.40৷৷

അരുണകമലസംസ്ഥാ തദ്രജഃപുഞ്ജവര്ണാ

കരകമലധൃതേഷ്ടാഭീതിയുഗ്മാമ്ബുജാ ച.

മണിമകുടവിചിത്രാലംകൃതാകല്പജാതൈ-
ര്ഭവതു ഭുവനമാതാ സംതതം ശ്രീഃ ശ്രിയേ വഃ৷৷11.42৷৷

പദ്മാ സപദ്മവര്ണാ

പദ്മസ്ഥാര്ദ്രാ ച തര്പയന്ത്യഭിധാ.

തൃപ്താ ജ്വലന്ത്യഭിഖ്യാ
സ്വര്ണപ്രാകാരസംജ്ഞകാ ചേതി৷৷11.44৷৷

അന്നഘൃതാഭ്യാം ജുഹുയാ-

ദര്ചാസ്വഷ്ടോത്തരം ശതം മന്ത്രീ.

ആവാഹനാസനാര്ഘ്യക-
പാദ്യാചമനമധുപര്കസേകാനി৷৷11.46৷৷

വ്യസ്തൈരപി ച സമസ്തൈഃ

പൂജായാം സംയതാത്മകഃ സിദ്ധ്യൈ.

പക്വൈര്ബില്വസമിദ്ഭിഃ
പയോന്ധസാ സര്പിഷാ ക്രമാജ്ജുഹുയാത്৷৷11.48৷৷

കഹ്ലാരപദ്മരക്തോ-

ത്പലകേതകചമ്പകാദയോ ഗ്രാഹ്യാഃ.

പരിഷിഞ്ചേത്ിത്രശോ നിത്യം
സൂക്തൈസ്തൈഃ സ്നാനകര്മണി৷৷11.50৷৷

ഏവം കരോതി ഷണ്മാസം യോസൌ സ്യാദിന്ദിരാപതിഃ.
ഉദ്ബുദ്ധമാത്രേ നലിനേ നവനീതം വിനിക്ഷിപേത്৷৷11.52৷৷

ജുഹുയാദന്ത്യയാഥര്ചാ ശതമഷ്ടോത്തരം ജപേത്.
ചത്വാരിംശച്ഛുക്രവാരൈര്മഹാശ്രീസ്തസ്യ ജായതേ৷৷11.54৷৷

സൂക്തൈരേതൈര്ജുഹുത ജപതാഭ്യര്ചയീതാവഗാഹേ-

ത്സിഞ്ചേദ്വക്ത്രേ ദിനമനു തഥാ സംയതസ്തര്പയീത.

സംശുദ്ധാത്മാ വിവിധധനധാന്യാകുലാഭ്യന്തരോസൌ
മന്ത്രീ സര്വൈര്ഭുവി ബഹുമതഃ ശ്രീമതാം സ്യാത്പുരോഗഃ৷৷11.56৷৷

സസുവര്ണപ്രഭാ സ്വര്ണപ്രാകാരാ പദ്മവാസിനീ.
പദ്മഹസ്താ പദ്മപൂര്വപ്രിയാ മുക്താപദാദികാ৷৷11.58৷৷

തുഷ്ടിഃ പുഷ്ടിശ്ച ധനദാ തഥാന്യാ തു ധനേശ്വരീ.
ശ്രദ്ധാ സഭോഗീനീ ഭോഗദാത്രീ ധാതൃവിധാതൃകേ৷৷11.60৷৷

നാഭ്യക്തോദ്യാന്ന നഗ്നഃ സലിലമവതരേന്ന സ്വപേദ്വാശുചിഃ സ-

ന്നാഭ്യജ്യാന്നൈവ ചാദ്യാത്തിലരുഹലവണേ കേവലേ നൈവ ദോഷാമ്.

വക്ത്രേ ലിമ്പേദ്വദേന്നാനൃതമപി മലിനഃ സ്യാന്ന ബിമ്ബാമ്ബുജന്മ-
ദ്രോണാന്നോ ധാരയേത്കേ ഭുവമപി ന വൃഥൈവാലിഖേദിന്ദിരാര്ഥീ৷৷11.62৷৷

ദുഷ്ടാം കഷ്ടാന്വവായാം കലഹകലുഷിതാം മാര്ഗദൃഷ്ടാമനിഷ്ടാ-

മന്യാസക്താമസക്താമതിവിപുലകൃശാങ്ഗീമതിഹ്രസ്വദീര്ഘാമ്.

രോഗാര്താം ഭോഗലോലാം പ്രതിപുരുഷചലാം രാജകാന്താമകാന്താം
കാകാക്ഷീമേകചാരാം ഗ്രഹകുസുമയുതാം ന സ്പൃശേദിന്ദിരാര്ഥീ৷৷11.64৷৷