वियत्तुरीयस्तु विलोमतोऽनल

प्रदीपितो वामविलोचनाञ्चितः।

सचन्द्रखण्डः कथितो रमामनु
र्मनोरथावाप्तिमहासुरद्रुमः।।11.2।।

भूयाद्भूयो द्विपद्माभयवरदकरा तप्तकार्तस्वराभा

शुभ्राभ्राभेभयुग्मद्वयधृतकरकुम्भाद्भिरासिच्यमाना।

रत्नौघाबद्धमौलिर्विमलतरदुकूलार्तवालेपनाढ्या
पद्माक्षी पद्मनाभोरसि कृतवसतिः पद्मगा श्रीः श्रिये वः।।11.4।।

जपावसाने दिनकृत्सहस्र

संख्यैः सरोजैर्मधुरत्रयाक्तैः।

हुनेत्तिलैर्वा विधिनाथ बैल्वैः
समिद्वरैर्मन्त्रिवरस्त्रिभिर्वा।।11.6।।

विभूतिरुन्नतिः कान्तिर्हृष्टिः कीर्त्तिश्च संनतिः।
पुष्टिराकृष्टिःऋद्धिश्चः रमाया नव शक्तयः।।11.8।।

अङ्गैः प्रथमावृतिरपि

मूर्तीभचतुष्कनिधियुगैरपरा।

शक्त्यष्टकेन चान्या
चरमा ककुबीश्वरैः समभ्यर्च्या।।11.10।।

बलाकी विमला चैव कमला वनमालिका।
विभीषिका द्राविका च शांकरी वसुमालिका।।11.12।।

अम्भस्युरोजद्वयसे हि तिष्ठं

स्त्रिलक्षमेनं प्रजपेच्च मन्त्री।

श्रियं विचिन्त्यार्कगतां यथाव
द्दरिद्रताया भवति प्रमुक्तः।।11.14।।

जुहुयादशोकदहने

सघृतैरपि तण्डुलैः सकलवश्यतमम्।

खदिरानले त्रिमधुरै
रपि तैर्धनदं च राजकुलवश्यमपि।।11.16।।

बिल्वं श्रीसूक्तजापी निजभुवि मुखजो वर्धयित्वास्य पूर्वं

पत्रैस्त्रिस्वादुयुक्तैः कुसुमफलसमिद्भिस्ततस्कन्धभैदैः।

तन्मूलैर्मण्डलात्प्राक्सुनियतचरितोऽसौ हुतान्निर्मलात्मा
रूपं पश्येद्रमायाः कथमपि न पुनस्तत्कुले स्यादलक्ष्मीः।।11.18।।

दक्षोऽस्य स्यादृषिश्छन्दसि सुमतिभिरुक्तो विराड्देवता च

श्रीदेवीपद्मिनीभ्यां हृदयकशिरसी विष्णुपत्न्या शिखा च।

मेदोरेफाह्वदार्णैरपि च कमलरूपाक्षरैवर्मसास्त्रां
ताराद्याभिर्नमोन्ताभिरिति निगदितं जातियुक्ताभिरङ्गम्।।11.20।।

ध्यात्वैवं श्रियमपि पूर्वक्लृप्तपीठे

पद्मादौ प्रथममथार्चयेत्तदङ्गैः।

अष्टाभिर्दलमनुशक्तिभिस्तदन्ते
लोकेशैरिति विधिनार्चयेत्समृद्ध्यै।।11.22।।

इति मन्त्रजपादृतधीर्मधुर

त्रितयैरयुतं जुहुयात्कमलैः।

परिशुद्धमना नचिरात्स पुन
र्लभते निजवाञ्छितमर्थचयम्।।11.24।।

नन्द्यावर्तैर्जुहुत भगभेऽभ्यर्च्य लक्ष्मीं सहस्रं

तावद्बैल्वैस्त्रिमधुरयुतैर्वा फलैः पौर्णमास्याम्।

पञ्चम्यां वा सितसरसिजैः शुक्रवारेऽच्छपुष्पै
रन्यैर्मासं प्रतिहुतविधिर्वत्सरैः स्याद्धनाढ्यः।।11.26।।

त्रिभिस्तु वर्णैर्हृदयं शिरोभिः

स्यात्पञ्चभिश्चाथ शिखा त्रिवर्णा।

त्रिभिस्तथा वर्म चतुर्भिरस्त्रं
पृथक् त्रिबीजापुटितैस्तदङ्गम्।।11.28।।

लक्षं जपेन्मनुमिमं मधुरत्रयाक्तै

र्बैल्वैः फलैः प्रतिहुनेदयुतं तदन्ते।

आराधयेदनुदिनं प्रतिवक्ष्यमाण
मार्गेण दुर्गतिभयाद्रहितो भवेत्सः।।11.30।।

भारतीपार्वतीचान्द्रीशचीभिरपि संयुता।
दमकादिस्तृतीयानुरागाद्यैश्च चतुर्थ्यपि।।11.32।।

अनन्तब्रह्मपर्यन्तैः पञ्चमीन्द्रादिभिर्मता।
चक्रपद्मान्तिकैः षष्ठीवज्राद्यैरावृतिः श्रियः।।11.34।।

श्रीमन्त्रेष्विति गदितेषु भक्तियुक्तः

श्रीसूक्तान्यपि च जपेद्यजेद्धुनेच्च।

सूक्ते तु प्रथमतरे स्वयं मुनिः स्या
दन्येषां मुनय इमे भवन्ति भूयः।।11.36।।

आद्ये सूक्तत्रये च्छन्दोऽनुष्टुप्कांसे बृहत्यपि।
तदन्त्ययोस्त्रिष्टुबाख्यां परस्तादष्टके पुनः।।11.38।।

मूर्धाक्षिकर्णनासा

मुखगलदोर्हृदयनाभिगुह्येषु।

पायूरुजानुजङ्घा
चरणेषु न्यसतु सूक्तकैः क्रमशः।।11.40।।

अरुणकमलसंस्था तद्रजःपुञ्जवर्णा

करकमलधृतेष्टाभीतियुग्माम्बुजा च।

मणिमकुटविचित्रालंकृताकल्पजातै
र्भवतु भुवनमाता संततं श्रीः श्रिये वः।।11.42।।

पद्मा सपद्मवर्णा

पद्मस्थार्द्रा च तर्पयन्त्यभिधा।

तृप्ता ज्वलन्त्यभिख्या
स्वर्णप्राकारसंज्ञका चेति।।11.44।।

अन्नघृताभ्यां जुहुया

दर्चास्वष्टोत्तरं शतं मन्त्री।

आवाहनासनार्घ्यक
पाद्याचमनमधुपर्कसेकानि।।11.46।।

व्यस्तैरपि च समस्तैः

पूजायां संयतात्मकः सिद्ध्यै।

पक्वैर्बिल्वसमिद्भिः
पयोन्धसा सर्पिषा क्रमाज्जुहुयात्।।11.48।।

कह्लारपद्मरक्तो

त्पलकेतकचम्पकादयो ग्राह्याः।

परिषिञ्चेत्ित्रशो नित्यं
सूक्तैस्तैः स्नानकर्मणि।।11.50।।

एवं करोति षण्मासं योऽसौ स्यादिन्दिरापतिः।
उद्बुद्धमात्रे नलिने नवनीतं विनिक्षिपेत्।।11.52।।

जुहुयादन्त्ययाथर्चा शतमष्टोत्तरं जपेत्।
चत्वारिंशच्छुक्रवारैर्महाश्रीस्तस्य जायते।।11.54।।

सूक्तैरेतैर्जुहुत जपताभ्यर्चयीतावगाहे

त्सिञ्चेद्वक्त्रे दिनमनु तथा संयतस्तर्पयीत।

संशुद्धात्मा विविधधनधान्याकुलाभ्यन्तरोऽसौ
मन्त्री सर्वैर्भुवि बहुमतः श्रीमतां स्यात्पुरोगः।।11.56।।

ससुवर्णप्रभा स्वर्णप्राकारा पद्मवासिनी।
पद्महस्ता पद्मपूर्वप्रिया मुक्तापदादिका।।11.58।।

तुष्टिः पुष्टिश्च धनदा तथान्या तु धनेश्वरी।
श्रद्धा सभोगीनी भोगदात्री धातृविधातृके।।11.60।।

नाभ्यक्तोऽद्यान्न नग्नः सलिलमवतरेन्न स्वपेद्वाशुचिः स

न्नाभ्यज्यान्नैव चाद्यात्तिलरुहलवणे केवले नैव दोषाम्।

वक्त्रे लिम्पेद्वदेन्नानृतमपि मलिनः स्यान्न बिम्बाम्बुजन्म
द्रोणान्नो धारयेत्के भुवमपि न वृथैवालिखेदिन्दिरार्थी।।11.62।।

दुष्टां कष्टान्ववायां कलहकलुषितां मार्गदृष्टामनिष्टा

मन्यासक्तामसक्तामतिविपुलकृशाङ्गीमतिह्रस्वदीर्घाम्।

रोगार्तां भोगलोलां प्रतिपुरुषचलां राजकान्तामकान्तां
काकाक्षीमेकचारां ग्रहकुसुमयुतां न स्पृशेदिन्दिरार्थी।।11.64।।