സ്വനിഷ്പത്തിം ച കൃത്യം ച തേ വിചിന്ത്യ സമാവിദന്.
വക്താരമജമവ്യക്തമരൂപം മായിനം വിഭുമ്৷৷1.3৷৷

ഉദ്യദാദിത്യകിരണപ്രശാംന്തശിശിരോദയേ.
പൂര്ണചന്ദ്രകരാമര്ശപ്രതിക്ഷുബ്ധജലാശയേ৷৷1.5৷৷

തുഷ്ടുവുര്ഹൃഷ്ടമനസോ വിഷ്ടരശ്രവസം വിഭുമ്.
സൂക്തിഭിഃ സ്തുതിഭിഃ പ്രീതഃ സ്വമൂര്തിം സ വ്യദര്ശയത്৷৷1.7৷৷

രക്താരവിന്ദനയനാമുന്നസീമരുണാധരാമ്.
മന്ദസ്മിതാധരമുഖീം ലസന്മകരകുണ്ഡലാമ്৷৷1.9৷৷

ഹാരതാരാവലീരാജത്പൃഥൂരോവ്യോമമണ്ഡലാമ്.
കൌസ്തുഭോദ്ഭാസിതോരസ്കാം ശ്രീവത്സദ്യുതിദീപിതാമ്৷৷1.11৷৷

പൃഥുവൃത്തോരുമാപൂര്ണജാനുമണ്ഡലബന്ധുരാമ്.
വൃത്തജങ്ഘാം ഗൂഢഗുല്ഫാം പ്രപദാജിതകച്ഛപാമ്৷৷1.13৷৷

താം ദൃഷ്ട്വാ തരലാത്മാനോ വിധ്യധോക്ഷജശംകരാഃ.
അതിഷ്ഠന്നിതികര്തവ്യമൂഢാസ്തത്രാബ്രവീദജഃ৷৷1.15৷৷

ഇതി പൃഷ്ടഃ പരം ജ്യോതിരുവാച പ്രമിതാക്ഷരമ്.
യൂയമക്ഷരസംഭൂതാഃ സൃഷ്ടിസ്ഥിത്യന്തഹേതവഃ৷৷1.17৷৷

അക്ഷരം നാമ കിം നാഥ കുതോ ജാതം കിമാത്മകമ്.
ഇതി പൃഷ്ടോ ഹരിസ്തേന സരോജോദരയോനിനാ৷৷1.19৷৷

വൈദികാംസ്താന്ത്രികാംശ്ചൈവ സര്വാനിത്ഥമുവാച ഹ.
പ്രകൃതിഃ പുരുഷശ്ചേതി നിത്യൌ കാലശ്ച സത്തമ৷৷1.21৷৷

ന ശ്വേതരക്തപീതാദിവര്ണൈര്നിര്ധാര്യ സോച്യതേ.
ന ഗുണേഷു ന ഭൂതേഷു വിശേഷേണ വ്യവസ്ഥിതാ৷৷1.23৷৷

യയാകാശസ്തമോ വാപി ലബ്ധാ യാ നോപലഭ്യതേ.
പുംനപുംസകയോസ്തുല്യാപ്യങ്ഗനാസു വിശിഷ്യതേ৷৷1.25৷৷

സാഹം യൂയം തഥൈവാന്യദ്യദ്വേദ്യം തത്തു സാ സ്മൃതാ.
പ്രലയേ വ്യാപ്യതേ തസ്യാം ചരാചരമിദം ജഗത്৷৷1.27৷৷

ലവാദിപ്രലയാന്തോയം കാലഃ പ്രസ്തൂയതേ ഹ്യജ.
നലിനീപത്രസംഹത്യാം സൂക്ഷ്മസൂച്യഭിവേധനേ৷৷1.29৷৷

കാഷ്ഠാ താവത്കലാ ജ്ഞേയാ താവത്കാഷ്ഠോ നിമേഷകഃ.
സോങ്ഗുലിസ്ഫോടതുല്യശ്ച മാത്രാഷ്ടാഭിസ്തു തൈഃ സ്മൃതാ৷৷1.31৷৷

ഷഷ്ട്യുത്തരൈസ്തു ത്രിശതൈര്നിശ്വാസൈര്നാഡികാ സ്മൃതാ.
ദ്വിനാഡികാ മുഹൂര്തഃ സ്യാത്ിത്രംശദ്ഭിസ്തൈരഹര്നിശമ്৷৷1.33৷৷

തഥാ ദിവ്യൈരഹോരാത്രൈസ്ത്രിശതൈഃ ഷഷ്ടിസംയുതൈഃ.
ദിവ്യഃ സംവത്സരോ ജ്ഞേയോ ദിവ്യൈഃ സംവത്സരൈസ്തു തൈഃ৷৷1.35৷৷

താവതീ തവ രാത്രിശ്ച കഥിതാ കാലവേദിഭിഃ.
തഥാവിധൈരഹോരാത്രൈസ്ത്രിംശദ്ഭിര്മാസമൃച്ഛതി৷৷1.37৷৷

തവായുര്മമ നിശ്വാസഃ കാലേനൈവം പ്രചോദ്യതേ.
സ ജാനാതി വിപാകാംശ്ച തസ്യാം സമ്യഗ്വ്യവസ്ഥിതാന്৷৷1.39৷৷

സാ തത്ത്വസംജ്ഞാ ചിന്മാത്രജ്യോതിഷഃ സംനിധേസ്തഥാ.
വിചികീര്ഷുര്ഘനീഭൂത്വാ ക്വചിദഭ്യേതി ബിന്ദുതാമ്৷৷1.41৷৷

സ ബിന്ദുനാദബീജത്വഭേദേന ച നിഗദ്യതേ.
ബിന്ദോസ്തസ്മാദ്ഭിദ്യമാനാദ്രവോവ്യക്താത്മകോ ഭവേത്৷৷1.43৷৷

അവ്യക്താദന്തരുദിതവിഭേദഗഹനാത്മകമ്.
മഹന്നാമ ഭവേത്തത്ത്വം മഹതോഹംകൃതിസ്തഥാ৷৷1.45৷৷

ശബ്ദാദ്വ്യോമ സ്പര്ശതസ്തേന വായു-

സ്താഭ്യാം രൂപാദ്വഹ്നിരേതൈ രസാച്ച.

ആപസ്ത്വേഭിര്ഗന്ധതോഭൂദ്ധരാദ്യാ
ഭൂതാഃ പഞ്ച സ്യുര്ഗുണാനാം ക്രമേണ৷৷1.47৷৷

വൃത്തം വ്യോമ്നോ ബിന്ദുഷട്കാഞ്ചിതം

തദ്വായോരഗ്നേഃ സ്വസ്തികോദ്യത്ിത്രകോണമ്.

അബ്ജോപേതാര്ധേന്ദുമദ്ബിമ്ബമാപ്യം
സ്യാദ്യജ്ഞോദ്യച്ചാതുരശ്രം ധരായാഃ৷৷1.49৷৷

പുടയോരുഭയോശ്ച ദണ്ഡസംസ്ഥാ

പൃഥിവീ തോയമധഃ കൃശാനുരൂര്ധ്വമ്.

പവനസ്ത്വഥ പാര്ശ്വഗോപി മധ്യേ
ഗഗനം ഭൂതഗതിസ്തനൂദ്ഭവേയമ്৷৷1.51৷৷

ശ്രോത്രത്വഗക്ഷിജിഹ്വാഘ്രാണാന്യപി ചേന്ദ്രിയാണി ബുദ്ധേഃ സ്യുഃ.
വാക്പാണിപാദപായൂപസ്ഥാനി ച കര്മസംജ്ഞാനി തഥാ৷৷1.53৷৷

ഭൂതേന്ദ്രിയേന്ദ്രിയാര്ഥൈരുദ്ദിഷ്ടസ്തത്ത്വപഞ്ചവിംശതികഃ.
വ്യാനന്ദകൈശ്ച തൈരപി തത്ത്വചതുര്വിംശതിസ്തഥാ പ്രോക്താഃ৷৷1.55৷৷

അവ്യക്തമഹദഹംകൃതിഭൂതാനി പ്രകൃതയഃ സ്യുരഷ്ടൌ ച.
തന്മാത്രാഹംകാരാഃ സമഹാന്തഃ പ്രകൃതിവികൃതയഃ സപ്ത৷৷1.57৷৷

ദേവാഃ സശ്രുതയഃ സ്വരാഃ സമരുതോ ലോകാശ്ച വൈശ്വാനരാഃ

കാലാഃ ശക്തിയുതാസ്ത്രിവര്ഗസഹിതാസ്തിസ്രസ്തഥാ വൃത്തയഃ.

നാഡ്യോന്യച്ച ജഗത്ത്രയേത്ര നിയതം യദ്വസ്തു സംബധ്യതേ
വിശ്വേഷാം സ്ഥിതയേ ചരന്ത്യവിരതം സൂര്യേന്ദുവൈശ്വാനരാഃ৷৷1.59৷৷

ശബ്ദബ്രഹ്മേതി യത്പ്രോക്തം തദുദ്ദേശഃ പ്രവര്ത്യതേ.
അതഃ പരമവാച്യം ഹി സ്വസംവേദ്യസ്വരൂപതഃ৷৷1.61৷৷

സ തു സര്വത്ര സംസ്യൂതോ ജാതേ ഭൂതാകരേ പുനഃ.
ആവിര്ഭവതി ദേഹേഷു പ്രാണിനാമര്ഥവിസ്മൃതഃ৷৷1.63৷৷

ഔദ്ഭിദഃ സ്വേദജോണ്ഡോത്ഥശ്ചതുര്ഥസ്തു ജരായുജഃ.
ഉദ്ഭിദ്യ ഭൂമിമുദ്ഗച്ഛത്യൌദ്ഭിദഃ സ്ഥാവരസ്തു സഃ৷৷1.65৷৷

അമ്ബുയോന്യഗ്നിപവനനഭസാം സമവായതഃ.
സ്വേദജഃ സ്വിദ്യമാനേഭ്യോ ഭൂവഹ്ന്യദ്ഭ്യഃ പ്രജായതേ৷৷1.67৷৷

കാലേന ഭിന്നാത്പൂര്ണാത്മാ നിര്ഗച്ഛന്പ്രക്രമിഷ്യതി.
അഹിഗോധാവയോഭേദശിംശുമാരാദികശ്ച സഃ৷৷1.69৷৷

സ്വസ്ഥാനതശ്ച്യുതാച്ഛുക്ലാദ്ബിന്ദുമാദായ മാരുതഃ.
ഗര്ഭാശയം പ്രവിശതി യദാ തുല്യം തദാപരഃ৷৷1.71৷৷

മായീയം നാമ യോഷോത്ഥം പൌരുഷം കാര്മണം മലമ്.
ആണവം നാമ സംപൃക്തം മിലിതം തന്മലദ്വയമ്৷৷1.73৷৷

സംക്ഷോഭ്യ സംവര്ധയതി തന്മലം ശോണിതാധികമ്.
സ്ത്രീ സ്യാച്ഛുക്ലാധികം നാ സ്യാത്സമഭാഗം നപുംസകമ്৷৷1.75৷৷

ആയാമി ബുദ്ബുദാകാരം പരേഹനി വിജൃമ്ഭതേ.
പക്ഷേണ ചതുരശ്രം സ്യാന്മാതുര്ഭുക്തരസാത്മവത്৷৷1.77৷৷

ഊര്ധ്വം തു മരുതാ നുന്നം തസ്മാദപി ഫലദ്വയാത്.
ഉഭയാത്മിക്യധോവൃത്താ നാഡീ ദീര്ഘാ ഭവേദൃജുഃ৷৷1.79৷৷

തതോ യാ പ്രഥമാ നാഡീ സാ സുഷുമ്നേതി കഥ്യതേ.
യാ വാമേഡേതി സാ ജ്ഞേയാ ദക്ഷിണാ പിങ്ഗലാ സ്മൃതാ৷৷1.81৷৷

വാമാംസജത്ര്വന്തരഗാ ദക്ഷിണാം നാഡികാമിയാത്.
തഥാ ദക്ഷിണമുഷ്കോത്ഥാ നാഡീ യാ വാമരന്ധ്രഗാ৷৷1.83৷৷

കുഹൂരിതി ച വിദ്വദ്ഭിഃ പ്രധാനാ വ്യാപികാസ്തനൌ.
കാചിന്നാഡീ ബഹിര്വക്ത്രാ യാ മാതുര്ഹൃദി ബധ്യതേ.1.85৷৷

ക്രമവൃദ്ധൌ പരംജ്യോതിഷ്കലാ ക്ഷേത്രജ്ഞതാമിയാത്.
സക്ഷേത്രജ്ഞം മലം തത്തു സഭൂതം സഗുണം പുനഃ৷৷1.87৷৷

നപുംസകസ്യ കിംചിത്തു വ്യക്തിരത്രോപലക്ഷ്യതേ.
മധ്യസ്ഥായാഃ സുഷുമ്നായാഃ പര്വപഞ്ചകസംഭവാഃ৷৷1.89৷৷

തദ്ഭേദാംശ്ച ബഹൂനാഹുസ്താഭിഃ സര്വാഭിരേവ ച.
വ്യാപ്നോതി സര്വതോ വായുര്യേന ദേഹഃ പ്രവര്ത്യതേ৷৷1.91৷৷

അഹോരാത്രമിനേന്ദുഭ്യാമൂര്ധ്വാധോവൃത്തിരുച്യതേ.
വാമദക്ഷിണനാഡീഭ്യാം സ്യാദുദഗ്ദക്ഷിണായനമ്৷৷1.93৷৷

ആഹാരാദ്രസജം പ്രാഹുഃ കേചിത്കര്മഫലം വിദുഃ.
കശ്ചിദസ്യ പരം ധാമ്നോ വ്യാപ്തിമേവ വിവക്ഷതി৷৷1.95৷৷

തത്പരംധാമ സൌജസ്കം സംക്രാന്തം മാരുതേന തു.
ബ്രൂതേ രക്തവ്യതികൃതാദ്ദീപാദ്ദീപാന്തരം യഥാ৷৷1.97৷৷

ബഹുനാ കിം പുനഃ പുംസഃ സാംനിധ്യാത്പ്രവിജൃംഭിതാ.
പ്രകൃതിര്ഗുണസംഭിന്നാ ത്രിദോഷാത്മാ മഹീയസീ৷৷1.99৷৷

പഞ്ചേന്ദ്രിയാര്ഥഗാ ഭൂയഃ പഞ്ചബുദ്ധിപ്രഭാവിനീ.
പഞ്ചകര്മേന്ദ്രിയഗതാ പഞ്ചത്വാദാ പ്രവര്തതേ৷৷1.101৷৷

സ്യാദ്ബുദ്ധിസംജ്ഞാ ച യദാ പ്രവേത്തി

ജ്ഞാതാരമാത്മാനമഹംകൃതിഃ സ്യാത്.

തദാ യദാ സാ ത്വഭിലീയതേന്ത-
ശ്ചിത്തം ച നിര്ധാരിതമര്ഥമേഷാ৷৷1.103৷৷